關於我們
玩點係一個香港玩樂場地搜尋平台。由 Party Room、密室逃脫、唱K，到保齡、攀石、露營、農莊都收。我哋嘅目標好簡單：香港有得玩嘅地方，喺呢度搵齊、比得到、book 得到。
目前收錄
2,000+
玩樂場地
51
娛樂類別
100+
覆蓋地區
我哋想解決嘅問題
香港嘅玩樂場地資訊，散落喺 Instagram 限時動態、WhatsApp 對話同幾十個唔同嘅網站入面。想比較三間 Party Room 嘅價錢同人數上限，往往要逐間搵、逐間問、等回覆，半日就咁樣冇咗。
同一時間，好多好場地根本冇曝光機會：唔識做 SEO、冇廣告預算，就算做得幾好都好，新客都搵唔到佢哋。
玩點做嘅事，就係將呢兩邊駁返埋一齊：一個地方睇晒全港場地，一個流程送出預訂請求。
我哋嘅三個承諾
最齊
努力收錄全港每一間玩樂場地，即使場地仲未同我哋合作，資料一樣會上。廣度係目標，唔係賣點。
最準
每間場地都標明核實狀態，查唔到嘅資料寧願留空都唔會作。我哋唔會捏造評分，亦唔會寫假評論。
最快
揀好日子同時段，一次過送出預訂請求，唔使逐間 WhatsApp 追。合作商戶開咗即時預訂嘅，落單即刻確認。
我哋點樣維持資料準確
每日掃新場
每日自動掃香港新開張嘅玩樂場地同新分店，一發現就核實上架，唔使等落一次大更新。
結業即標記
同時每日掃現有場地嘅結業訊號。一有懷疑即標記跟進，經人手確認先落架。我哋唔會靜靜雞留住一間執咗嘅場呃你白行。
評論要訂過先寫得
只有真正經玩點完成預訂嘅用戶先寫得評論。門檻定得高，係因為信得過比數量多重要。
資料有錯即改
場地資料有誤、價錢變咗、或者你係場地負責人想認領頁面，電郵我哋就會處理。
聯絡我們
場地資料有誤、想認領場地或申請上架，歡迎電郵：hello@playspot.com.hk
開始搵場地